Subyang

Makulimlim na ulap tinatago ang daluyog ng tubig ng langit.
Ang bawat alikabok ay tumatakip sa aliguyod ng hangin.
Nakatingin ang mga mata, nanunuod, nagmamasid.
Nakatayo, naghihintay, dahan dahan, dahan dahan ang paghinga.

Mayamungmong ngunit pinilit ang katawan maging bahagi ng madla.
Mapaniil ngunit pinilit kong makita.
Lalaking lumalakad, dahan dahan, sugatan, duguan.
Nakahiga, nanginginig, sugatan, duguan.

Sinulid ay nagdugtong sa aking puso, unti-unting bumibigat.
Nakahiga, nanginginig sa pinong sugat, pinong tila hibla.
Dahan-dahang na-ra-ram-da-man ang sugat, unti-unting bu-mi-bi-gat.
Ngunit ako ay tumalikod na isang pananakwil.

Sa aking pagharap, palad ko'y duguan.
Kinitil ko ang lalaki, palad ko ang gumawa.
Sugatan sa putong ng tinik.
Sugatang may balabal sa pagpanhik.

Lumuluha, nanginginig.
Palad ko ang gumawa.
Lumuluha, nanginginig.
Patawad Ama, aking kamay.

Aking kamay Ama, ang nagtudla.

Linya ng "Nakakapagod" at "Pagtakas"

Pag napapagod ka na, siguradong naroon ka sa linya ng "nakakapagod". Nasa loob ka, hindi ka makalabas. Dahil iniisip mo sayang, nariyan ka na sa loob, sa tahimik, sa normal na siklo. Okay ka na diyan. Bakit kailangan mo pang tumawid sa linya ng hindi nakakapagod, sa linya ng "pagtakas"? Baka hindi ka na makabalik sa loob? Baka hindi ka na makaramdam ng parehong pakiramdam?
Samantalang sa labas, ayun, malayo ka sa lahat, malayo sa linya ng "pagtakas", tahimik, bago ang lahat, walang lungkot, walang away, walang responsibilidad, magisa ka. Ngunit baka hanapin mo iyong dating nasa linya ng "nakakapagod".

Minsan ay kailangan mo lang tumayo sa gitna. Sa linyang naghahati, sa linya ng "nakakapagod" at "pagtakas". Duon sa linya na, nakikita mo ang parehong panig. Duon sa linya na, may oras ka sa sarili, may oras kang magisip at may oras kang humugot ng lakas at maging handa ka na. Oras magisip, kung handa ka na...

Kung tatawid ka ba sa linya ng pagtakas na bago ang lahat?
O di kaya'y, babalik ka ba sa linya ng nakakapagod kung saan duon ka na nasanay?

#ResearchHugot Quotes

#Sana Quotes

Thoughts to Ponder (Quotes from my poem collection)

One Day

One day

(A thought to ponder)

One day, you will need to find a place, you will need to face the time that you leave everyone, you will change yourself, you will need to exhaust all of your resorts to step forward. Go to college, find a job and earn for yourself. One day,  you will be walking alone, you will be lost at one point, you will lose the presence of people, you will make an effort to make the presence for people. One day, you will try to correct things, you will correct things because that’s the norm, you will find your own norm, you will go back to those things you thought were truthful but simply not. One day, you will wish that it takes a second to say “No”, you will ask yourself why you opted to say a hundred “Yes”.

One day, you will think of that day.

One day.

Bahagi Ka

Bahagi Ka

Sa Panitk ni: Alvin Alonzo

Lumipas ang araw,
ng bagong librong dati'y uhaw,
sa alon ng liwanag,
ng bagong kaalaman.

Nagbunga ng pagkakaisa,
Sinubok, lumipas, ngunit di nagwakas,
At bukas kung saan,
dadalin ng bathalaan.

Ngunit saan nga ba nagbubukal,
ang ala-alang hindi nawalay.
saan nga ba nagsimula?
ang natatanging ala-ala?

Hindi man laging isa ang sapantaha,
Ngunit sa isip at puso,
laging nandito ka.

Patuloy ang duyog ng klase na iisa,

Patuloy ang kaba sa bawat pagtayo,
Patuloy ang ligaya sa bawat pagupo,
Sa pagwutawi ng artikulo,
Bawat tinig ay nasa king puso.

Humayo ka kaibigan,
Tahakin ang nais mong tahakin,
Igipalpal ang pusong maging,
nais marating.

Wala man tayo habambuhay sa iisang kwarto,
Nasa isang bahagi ng puso,
ang ala-ala na
hinding-hindi kailan man
maglalaho.